Puisi Bali Siwaratri

Rainan siwaratri

peteng pitu catur dasi

mangaran siwaratri

batara siwa malaksana yoga murti

siwa siwa siwa maha déwa

saksiang ja jagran titiang batara siwa.

mangda lebur dosan titiang batara siwa.

pajati bilwa lan padma maka siwaratri sarana.

upawasa lan jagra brata maka siwaratri sadana

Siwa siwa siwa om nama siwaya

Puisi bali anyar

 Dewek

Maurip dados manusa

Sangkan pican Hyang widi Wasa

Pradé panemaya prapti

Rikala urip surut nilarin raga

Urip matilar saking buani

Ngungsi jagat niskala

Tan prasida kakelidin

Tan prasida katunas

Sugih lacur bagus jegeg

Sami mamargi lampus

Wantah karma nyarengin

Ring wates idup kalawan mati

Mangde sida eling ring Hyang Kawi

Puisi bali cinta

Sebet

                                                                                                   

Angin peteng ngesirin raga

Kadirasa nusuk manah keliput duka

Kalara-lara beli ngaba tresna

Ulian tresnane medua para

Adi lempas tekenin janji

Semu manis ane mesisa di hati

Adi tuah jiwatman beli

Ane jani adi suba magedi

Ede nyen malih ragu adi

Ngenehang unduke sane nibenin beli

Depang beli dini pedidi

Kenyeman adine legan beline

Suksma sampun nyakitin adi

Puisi bali nyepi

Hari raya nyepi

Sasih kesanga sampun ngawit

Maciri jagate mangkin

Manyangra rainan sane tenget

Apisan awarsa

          Penyepian......

          Jagat rame tan katandingin

        Dewek  girang sane mangkin

          Lakar malali kema-mai

Jagat sepi buka jampi

Dresta jagat Baline

Awai sane kajantos

Mapuasa cara iraga

puisi galungan kuningan

Galungan Lan Kuningan

Dharma patut kukuhin

Mangda nénten kaon

Olih sekancan parisolah i beburon

Sinah tan sidaning don

Adharma gumanti ngarebéda

Jagaté kaliput watak raksasa

Mamati – mati turin marikosa

Galungan mangkin

Iraga patut inget

Tat Twam Asi 

Sida trepti kerta raharja

Sakayang- kayang

Terimakasih semoga bermanfaat untuk semua, om shanti shanti shanti om